Leka Main Adat Basa - Pantun Puji
Pantun puji dikena bebuti enggau pangan diri, antara indu enggau lelaki maya bisi pengerami. Ia mega dikena ngenatai sada ati tauka serebana diri empu. Pantun puji dikena meri tabi basa enggau terima kasih. Chunto; ngagai YB Ngenang pemaik, pengelandik, pemandai ba mua orang mayuh
Leka Main Pemerindang - Jawang
Leka main tu dikena bebuti lebuh maya bisi pengerami. Ia dibantai dikena muji/ meransang/ ngenataika serabana enggau ngenang pemansang ti bisi nyadi ba menua diri. Mayuh macham bansa baka Jawang Sinu Ati, Jawang Puji, Jawang Peransang, Jawang Serabana, Jawang Pemansang
Leka Main Invokesyen - Timang
Besangkut-paut enggau pengarap lama kitai Iban dikumbai kitai Beburung. Piring disediaka sebedau berengkah ngereja pengawa. Piring tu dikena mujuk nundukka sida ti dikangauka. Bala petara endang bisi menua kediri empu nya alai sapa tauka sada enda tau enda betul. Enti salah sida tau enggai datai lalu enggai makai piring ti udah disediaka. Bala petara ti dikangau lemambang ke mengap nitihka gawai ti diintu
Tiada ulasan:
Catat Ulasan