Leka Main Pemerindang

1. Dungai

• Siti bansa leka main  ti dikena muji orang, meransang nembiak, mantaika pengasai ati ti rindu serta gaga enggau madahka pengerindu ngagai orang ti diguang.
• Bisi mega dungai ti mantaika serebana ati tauka pemerinsa diri ngagai peningga.

2. Sanggai

• dikena beperindang ngelantangka ati ngambi ke enda kusi, bebuti, bebungah maya lepa, beperansang enggau beperindang.
• suah mega dikena bala ke indu enggau lelaki nyadaka tuju ati ngagai pangan lebuh sida benung beguang, alai sida madahka diri beraie asai ka mati lebuh enti lama enda betemu.

3. Ganu

• suah mega dikena orang bebuti tuka mantaika serebana enggau pengaga ati.
• Bisi ganu dikena nyambut menteri tauka temuai ti dipebasaka ari opis perintah enggau kompeni datai ba rumah panjai.

4. Jawang

•  Suah mega dikena orang bebuti maya bisi pengerami ngambi ke ati ransing serta bagak, enda seilu-ilu, kelebih agi sida ti benung besulu serta jauh ari pangan diri.
• Jawang enda tentu jauh bida ari patah nyawa ganu tang ia kekadang mai nada ti sinu enti orang ti bejawang nya ngenang serebana diri.

5. Ramban

• Leka main ti tebilang di semua pelilih menua Iban ba Sarawak.
• Dikena bebuti serta bungah enggau pangan diri.
• Ramban mega suah dikena orang tuai kelia ngerara tauka nyeriri ulah ti enda manah awakka badu ngeraja pengawa nya.

6. Pelandai ara

• Leka main ti dikemeranka orang ari pelilih menua Engkilili enggau Lubuk Antu.
• Dikena nusi pengerindu nggau serebana orang.
• Pelandai ara mega dikumbai orang love song tauka lagu pengerindu.

7. Sugi

• Sebansa leka main dikena beperindang lalu tebal agi dikemain sida ke indu.
• Disebut epik laban nyeritaka pemerani enggau pengering bujang berani kitai kelia ngetanka menua enggau bansa.